Same Sex Marriage: Dapat bang isabatas o hindi?

Same Sex Marriage

            Ang kasal ay isang espesyal na pagbubuklod na pagbubuklod ng dalawang nagmamahalang indibidwal na nagpasyang magsama habang buhay. Ito ay protektado ng batas at isang mahaagang institusyon ng lipunan. Subalit nitong mga huling buwan naging mainit na usapin sa ating bansa kung dapat bang ipasa ang Same Sex Marriage sa ating bansa. Kabi-kabila ang mga opinyon na ipinarating na ipinarating ng ating mga kababayan. Samu’t saring mga pagbatikos at pag sangayon ang  natamo ng panukalang ito mula sa ating netizens mula sa mga social networking sites. Marami ang nagalit at tumutol ngunit marami rin naman ang natuwa at sumangayon.Laganap na sa ating bansa ang mga bading at mga lesbiyana o mas kilala bilang thirdsex sa panahong nating ito. Hindi naman natin masasabing salot sila sa ating lipunan dahil nakatutulong sila sa pag-unlad ng ating bansa. Unti-unti silang nata-tanggap ng ating lipunan, pero sa pagpapakasal nila sa kapwa nila babae o lalake, naayon pa ba sa mata ng mga tao, sa mata ng batas, lalo na sa mata ng Diyos ang seremonyang ito?Ang Same Sex Marriage ay isang panukalang batas sa ating bansa ngunit ito ay ganap na ipinapatupad sa ilang bansa gaya ng Estados Unidos. Ito ay naglalayong mabigyan ng karapatan na maikasal ang nagmamahalang indibidwal na may parehong kasarian o tinatawag na “Lesbian, Gay, Bisexual and Transgender “(LGBT). Ginawa ang panukalang ito para mabigyan ng pantay na karapatan ang mga grupo ng LGBT (Lesbian, Gay, Bisexual and Transgender)

            Si Pangulong Barack Obama ang kauna-unahang pangulo ng Estados Unidos na naging taga suporta ng panukalang ito anupat kanyang nilagdaan upang maging ganap ng batas sa Estados Unidos. “I think same sex couples should be able to get married”- ito ang binitiwang ni Pangulong Barack Obama sa kanyang pahayag  sa isang programa sa isang telebisyon sa Estados Unidos. Ang pahayag niyang ito ay umani ng papuri mula sa grupo ng mga LGBT, ngunit sa kabilang banda ito ay inatake ng mga batikos at kritisismo mula sa kanyang mga kritiko anupat binansagan si Pang. Barack Obama ng News Week Magazine sa bago nitong labas na isyu bilang “first gay president”. Dahil sa pagiging ganap na batas ng Same Sex Marriage sa Estados Unidos umaasa ang mga grupo ng LGBT sa ating bansa na maisasabatas din ang panukalang ito anupat magbibigay daan ito sa kanila upang mabigyan sila ng sapat na karapatan at pantay ng pagtrato. Ngunit marami ang bumabatikos sa panukalang ito kung dapat ba talaga itong isabatas sa ating bansa. Matatandaan na ang Simbahang Katoliko ang panugunahing bumabatikos sa panukalang ito anupat naniniwla sila na ang pagsasabatas ng panukalang ito ay paglapastangan sa batas at simulain ng Bibliya.  Itinuturing ng Simbahang Katoliko ang kasal bilang isang banal ng institusyon kung kaya’t dapat itong galangin at respetuhin. Ayon sa kanila ang kasal ay para lamang sa dalwang nagmamahalang indibidwal na may magkaibang kasarian na nagplaplanong magsama pangabang buhay. Ang pagiisang dibdib ng isang babae at lalaki ay isang sagradong batas at dapat lamang mangyari sa pagitan ng babae at lalaki.Dahil sa pangunguna  ni Rev. Ceejay Agbayani sa seremonya ng pag-iisang dibdib ng mga bading at lesbiyana. sa Baguio City ay naging  maugong ang pangalan nito at agad naman itong tinutolan ng  Senado, mga mamamayang Pilpino at Simbahang Katoliko. Ayon sa Simbahan, ang kasal para kay Jesus ay nagpapahayag ng isang bagay na banal sapagkat hindi lamang ito kasunduan na ginampanan ng lalaki at babae kundi ito ay binasbasan din ngPanginoon upang maging isang sakramento na nagpapahayag ng pag-ibig ng Diyos sa mga pumasok sa ganitong pagsasama. Ang sakramento ng kasal ay nagpapahayag ng kagustuhanng Diyos na pumasok sa isang kasunduan sa atin upang magkaroon tayo ng malalim naugnayan sa kanya, isang ugnayan na hindi mabubuwag nang anuman o sino man sapagkat pinagiingatan ito ng Diyos. Ang kasal ay para sa lalake at babae lamang dahil ang isa sa mga pangunahing layunin ng sakramento ay para mabendisyonan ang pagpapatuloy ng pagdaloyng buhay ng tao. Isang kalapastanganan sa Diyos ang mga gawaing taliwas sa kanyanglayunin lalo na kung ang pagpapatuloy ng kanyang sinimulan ang ating binabago. Samakatuwid, hindi angkop ang pagpapakasal ng pareho ang kasarian. Hindi rin kinilala nang batas ang pag-iisang dibdib na isinagawa, dahil wala pang batas na kumikilala saseremonyang ito. Ayon sa Family Code ng ating bansa, ang isang pamilya ay binubuo dapatng isang ama, at isang ina na dumaan sa seremonya para magsama, dahil dito nakakabahalaang pagdami nang mga nagpapakasal nang pareho ang kasarian.Dagdag pa nila, ang Same Sex Marriage ay magbibigay daan lamang para malapastangan ang mga simulain ng pagkakasal sa pagitan ng babae at lalaki yamang dalawang kasarian lamang ang nilikha ng Maylalang. “Marriage is the building blocks of the society”—ito ang binitiwang pahayag ng Simbahang Katoliko sa kanilang pagtutuol sa pagsasabatas sa panukalang Same Sex Marriage. Dagdag pa nila “Daang matuwid without God is a dead end street. Only with God can we see real progress of people”(CBCP News). May mga ilan ding kilalang personalidad na nagpahayag ng kanilang pagtutol sa panukalang Same Sex Marriage gaya na lamang ni 1999 Miss Universe, First Runner-Up, Miriam Quiambao at Pambansang Kamao, Manny Pacquiao. Sa pahayag ni , Miriam Quiambao sa kanyang Twitter account sinabi niya “Homosexuality is not a sin but it is a lie from the devil. Do not be deceived. God loves gays and wants them to know the truth” ngunit ang pahayag niyang ito ay umani ng kabi-kabilang batikos mula sa mga Pro-Same Sex Marriage netizens.

            Sa kabila ng katotohanan na tutol ang Simbahang Katoliko at ang maraming nating mga kababayan sa panukalang ito, hindi maikakaila na may mga ilang Pilipino parin ang sumusuporta ditto lalong lalo na ang mga miyembro ng LGBT. Umaasa sila na maisasabatas ang panukalang ito sa ating bansa at magbibigay daan para mabigyan sila ng pantay na karapatan. Ang mga taga suporta ng panukalang Same Sex Marriage ay naging bukas sa pagpapahay na kanilang ng kanilang saloobin at pag sang-ayon sa panukalang ito sa iba’t ibang blog site at social networking site. Mariin nilang ipinahayag ang kanilang saloobin at pagka dismaya ng ilathala ng pahayagang Manila Bulletin noong Hulyo 22, 2011 ang isang artikulo ni Fr. Bel San Luis na pinamagatang “Making a Mockery of Marriage”. Sa artikulo niyang ito malinaw niyang binatikos ang Same Sex Mariage  sa pamamagitang ng (…………). Mariin niya rin binatikos ang pagkakasal sa dalawang indibidwal na may parehong kasarian sa Baguio Cito sa ilalim ng Mertopolitan Community Church sa pangunguna ni Reverend Ceejay Abayani ng LGBT Christitan Church. Ang artikulo niyang ito ay umani ng kabi-kabilang batikos mula sa mga kasapi ng LGBT.

            Bilang isang Pilipino at mamayan ng bansang Pilipinas pananagutan at rsponsibilidad nating bigyang pansin ang usaping ito at makibahagi sa mga talakayan tayo man ay “pro” o “anti” dahil hindi natin maitatago ang katotohanang tayo ay apektado ano man ang maging resulta ng panukalang ito. Sa kabila ng katotohan na tayo ay nasa demokratikong bansa kung saan ang bawat isa sa atin ay may karapatang mamili kung ano ang ninanais niyang gawin, tandaan nawa natin ang kalayaan ay ipinagkaloob hindi upang gawin ang ninanais lang natin, sa halip ito ay ipinagkaloob sa atin upang gawin kung ano ang tama at nararapat. Tandaan na kung ano man ang maging desisyon ng nakakarami at ng pamahalaan sa panukalang Same Sex Marriage malaki ang magiging epekto nito sa ating bansa at higit na lalo sa ating buhay kung kaya’t higit na kinakailangang ito ay ating pagtuunan ng pansin.