Ang Kontrobersiyal na Reproductive Health Bill

          Sino nga ba ang hindi mapupukaw ang atensyon kung usaping moralidad na ng buong bansa ang pinag uusapan? Ang kontrobersiyal na panukalang “Reproductive health and Population and Development Act of 2010″o mas kilala natin sa tawag na RH Bill na akda ni Cong. Edcel Lagman ay naging isang mainit na usapin sa senado maging sa iba’t ibang panig ng ating bansa. Samot saring mga opinyon ang inani ng panukalang ito anupat naging aktibo ang mga Pilipino sa pagpapahayag ng kanilang mga saloobin sa internet.                                 

            Tutol ang Simbahang katoliko at ilang mamayang Pilipino sa panukalang ito, sa kadahilanang nialalabag umano ng panukalang ang ilan sa mga simulain ng bibiliya may kinalaman sa usapin ng moralidad. Nilalabag nito ang ilan sa mga sampung kautusan ng Diyos gaya ng “ Thou shall not kill” at “Thou shall not commit adultery”. Ang pagtatalik  ay para lamang sa dalawang nagmamahalang  indibidwal na ikinasal sa ilalim ng basbas ng Diyos at ito ay pagpapahayag ng pagamahal nila sa isa’t isa. Ang sinumang nakikipag talik ng hindi kasal ay nagkakasala sa laman at sa mata ng Diyos kung kaya’t ganun na lamang ang pagtutuol ng Simbahang Katoliko at ilan nating mga kababayan sa Reproductive Health Bill dahil ayun sa kanila, ang panukalang Reproductive Health Bill ay magbubukas lamang ng pinto sa pagkakasala sa laman, aborsyon at pang aabuso sa mga kababaihan.

 Ayon sa simbahang Katoliko ang panukalang ito ay magbibigay daan lamang para lalong bumaba ang moralidad ng mga Pilipino gaya ng pagkakasangkot sa aborsyon, pagtatalik ng hindi kasal na tinukoy ng simbahang Katoliko ng mga nakakarimarim ng mga gawa at dahil ditto tinawag ng simbahan ang panukalang RH bill na “moral time bomb”. Dagdag pa nila ang “daang matuwid” na wala ang patnunbay at simulain ng Diyos ay gaya ng isang madilim na daan na puno ng patibong. Tanging sa daan lamang na kasama ang Diyos makikita ang tunay na kaunlaran.

            Ano ba ang  Reproductive Health Bill?Ang Reproductive Health Bill ay isang panukalang batas na naglalayong magbigay ng serbisyong pangreproduktibo  para sa lahat, kabilang ang family planning o pagpaplano ng pamilya, para sa mga mag-asawa lalo na ang mahihirap. Ang kakayahang makagamit ng mga kontraseptibo na makatutulong sa pag-aagwat ng mga anak at angkop na impormasyon ukol sa mga paraan ng pagpaplano ng pamilya na ligtas, epektibo at abot-kaya. Sa ngayon, tanging ang mga may pambili ng kontraseptibo lamang ang epektibong nakapagpaplano ng kanilang pamilya.Layunin ng RH bill na matulungan ang mga mag-asawa na maabot ang nais nilang laki ng pamilya habang isinasaalang-alang ang kalusugan ng ina at anak upang matigil na ang maagang pagbubuntis ng kabataan at bigyan ng kakayahan ang pamahalaan na maabot ang isang balanseng distribusyon ng populasyon.

Ang pag gamit ng kontraseptibo ay hindi nangangahulugan ng aboryon ito ay naglalayong maiwasan ang mga kaso ng aborsyon na dulot ng hindi planadong pagbubuntis. Lahat ng kontraseptibo ay magiging epektibo kung gagamitin ng maayos. Kinakailangan lamang na mamili ang mag-asawa ng pamamaraang angkop sa kanila, alinsunod sa kanilang kalusugan at nais na bilang ng mga anak.Hindi maikakaila na parami ng parami ang mga kabataang magnanakaw, pusher/user ng ibat ibang uri ng droga kasama na ang pag singhot ng rugby, namamalimos sa kalsada, mga nagbebenta ng laman, nasasangkot sa aborsyon dahil sa kahirapan at hindi planadong pagbubuntis ng mag-asawa.Ang iniisip na iba na ang layunin ng RH Bill ay kontrolin ang populasyon. Hindi layon ng RH bill  na magkaroon ng population development o pagpapaunlad ng populasyon. Ang pagkontrol ng populasyon ay nangangahulugan ng paggamit ng pwersa o sapilitang pagpapagamit ng mga polisiyang pangpopulasyon na labag sa mga kagustuhan ng mga tao.

            Sa kabila ng pagtutol ng Simbahang Katoliko at ng ilan nating mga kababayan, ang ilan sa mga opisyal na pamahalaan at mga mamayang Pilipino ay pabor sa panukalang ito at patuloy itong isinusulong at ipinapabatid sa kaisipan ng mga Pilipino ang mga kabutihang idudulot nito kapag ito ay naging ganap na batas. Ang mga sumasang-ayon sa panukalang ito ay tinatawag na na “Pro-RH bill”, sila ay naniniwala na sa pamamagitan ng Reproductive Health Bill mababawasan ang lumalaking bilang nga mga kabataang na maagang nabubuntis, mga taong nagkakaroon ng HIV,AIDS at Sexual Transmitted Diseases(STD), mga pamilyang walang maipakain sa kanilang napakaraming anak at higit sa lahat naniniwala sila na sapamamagitan ng Reproductive Health Bill mabibigyan ng solusyon ang kahirapan sa Pilipinas. Sila ay naniniwala na ang pagbibigay kaalaman sa mga kabataan tungkol sa pakikipagtalik o tinatawag na “sex education” ay magbibigay daan para matulungan ang mga kabataan na higit na maunawaan ang mga posibleng mangyari sa maagang pakikipagtalik gaya na lamang ng maagang pagbubuntis, pagkakaroon ng pamilya sa napakamurang edad at mga responsibilidad na kaaikibat nito at higit sa lahat ang posibilidad sa pagkakaroon ng ng sakit dahil sa pakikipagtalik na walang proteksyon. Hindi natin maitatago ang katotohanan na marami sa ating mga kabataan ang kulang ang kaalaman tungkol sa usapin ng pakikipag talik at basta-basta na lamang pumapasok sa mga gantong sitwasyon nang hindi batid ang mga posibilidad  na mangyayari. Marami ang nag aakala na sila ay hindi mabubuntis sa unang pagtatalik gayong malaki ang tsansa na mabuntis ang isang babae kahit sa unang pagtatalik pa lamang. Ayon sa isang pag aaral na isinagawa ng ilang mga mananaliksik , 16 na porsyento na mga kabataang babae sa Pilipinas na kinabibilangan ng 15 hanngang 24 taong gulang ay nasangkot sa “premarital sex” o maagang pakikipagtalik at noong taong 2011 sinasabing isa sa sampung mga kababaihan na nagbigay panganak sa bansa ay mga kabataang babae.(National Statistics Office) kaya ganun na lamang ang pagnanais ng ilan nating mga kababayan na isulong ang panukalang ito at maging ganap na batas. 

            Sa isang makasaysayang botohan, ipinasa ng dalawang sangay ng Kongreso nitong Lunes ng gabi ang Reproductive Health (RH) bill sa kabila ng mahigpit na pagtutuol dito ng Simbahang Katoliko."Our legislature took an historic vote today for women and families--as it successfully passed the Reproductive Health Bill," ayon sa Malacañang sa isang pahayag. "We thank our Senators and Congressmen who voted for access to information and care."
Sa botong 13-8 na boto, ipinasa ng Senado ang naturang panukala habang 133-79 boto naman na may pitong abstention ang nakuha nito sa Kamara. Bumotong “no” sa Reproductive Health bill sa Senado sina Senate President Juan Ponce Enrile, Senate President Pro Tempore Jinggoy Estrada, Senators Aquilino "Koko" Pimentel III, Antonio Trillanes IV, Manuel Villar, Bong Revilla, Vicente Sotto III, at Gregorio Honasan.Sa kabilang banda, “yes” naman ang boto nina Santiago, sina Sens. Edgardo Angara, Joker Arroyo, Pia Cayetano, Alan Peter Cayetano, Franklin Drilon, Francis Escudero, Teofisto Guingona III, Panfilo Lacson, Loren Loren, Ferdinand Marcos Jr., Francis Pangilinan, at Ralph Recto.
Magugunitang idineklarang “urgent” ni Pangulong Benigno Aquino III ang RH bill nitong nakaraang linggo para mapabilis ang pagpasa nito sa Kongreso. Naniniwala ang Palasyo na sinunod ng mga mambabatas ang kanilang konsensiya sa pagboto sa RH bill bagama't aminado ito na naging mainit ang mga diskusyon ukol dito."I know that we are heading in the right place by passing this measure," ani Sen. Pia Cayetano, ang sponsor ng RH bill sa Senado. Inialay niya ang pagpasa ng nasabing panukala sa mga babaeng mahihirap.Samantala, iginiit naman ni Arroyo na sa tingin niya, maraming ipinangangako ang panukala na hindi nito kayang tuparin."Sex is not the root of poverty and children, who are our joy, are not the cause of underdevelopment. Bad politics and bad government are more likely candidates for that distinction," ani Arroyo, na bumutong “yes” bagama't naglatag siya ng ilang kondisyon.
Iginiit naman nina Enrile, Estrada at Sotto na walang nag-impluwensya sa kanilang pagtutol sa panukala."This bill no doubt has inflicted a very wide chasm of division in our society for various reasons," ani Enrile, na nagpahayag na nababahala siya sa mga magiging epekto ng RH bill sa mga pamilyang Pilipino."Minors are being lulled into a false sense of security that it is okay to have sex so long as it is protected sex.  Wag  naman sana natin pahintulutan nag patuloy na pagbaba ng moralidad sa ating bansa," aniya.Humingi naman ng tawad sa Panginoon si Sotto sa ginawang pagpasa ng Senado sa RH bill. Aniya, hindi nito alam ang ginagawa nito.